Hindistan mayın 7-də bir neçə ştatda mülki müdafiə təlimləri keçirəcək
Hindistan mayın 7-də bir neçə ştatda mülki müdafiə təlimləri keçirəcək
Hindistanın daxili işlər mazirliyi ölkənin bir neçə ştatında mülki müdafiə tədbirlərini gücləndirmək məqsədilə mayın 7-də genişmiqyaslı sınaq təlimlərinin keçirilməsini planlaşdırır.
Crossmedia.az Hindistan mətbuatına istinadən xəbər verir ki, təlimlər çərçivəsində hava hücumu xəbərdarlığı sirenlərinin işə salınması, mülki əhali və məktəblilər üçün mülki müdafiə üzrə maarifləndirici tədbirlərin təşkili nəzərdə tutulur. Eyni zamanda, yanğınsöndürmə əməliyyatlarının təşkili, strateji əhəmiyyətli obyekt və qurğuların kamuflyaj sınaqları, eləcə də təxliyə planlarının yoxlanması da həyata keçiriləcək.
Nazirlik bildirib ki, bu tədbirlər fövqəladə hallara hazırlığın qiymətləndirilməsi və operativ reaksiyanın təkmilləşdirilməsi məqsədi daşıyır.
Mədinə Cəlilova
20:44 05.05.2025
Oxunuş sayı: 9129
