Xarici xəbərlər

Aİ rəsmisi: İran Rusiyaya hərbi dəstəyi dayandırmalıdır

Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallas İranın xarici işlər naziri Abbas Əraqçı ilə telefon danışığı aparıb.

Crossmedia.az İran mətbuatına istinadən xəbər verir ki, danışıqlar zamanı Kallas Avropanın nüvə diplomatiyasına dəstəyini və Yaxın Şərqdə regional gərginliyin azaldılmasının vacibliyini vurğulayıb.

Aİ rəsmisi Tehranı Rusiyaya göstərilən hərbi dəstəyi dayandırmağa çağırıb. O, həmçinin İranda saxlanılan Avropa vətəndaşlarının hüquqlarına hörmət olunmasının vacibliyini qeyd edib.

Kallas bildirib ki, Avropa İttifaqının İranla münasibətlərinin inkişafı yalnız bütün əsas istiqamətlər üzrə eyni vaxtda irəliləyiş əldə edildikdə mümkündür.

Mədinə Cəlilova

🖨 Çap et

20:17 05.05.2025

Oxunuş sayı: 866