Türkiyədə “Zəngəzur” Azərbaycan xalq rəqsləri ansamblı haqqında televiziya verilişi nümayiş etdirilib
Azərbaycanın Türkiyədəki səfirliyi nəzdindəki Azərbaycan Mədəniyyət Mərkəzi, Mədəniyyət Nazirliyinin dəstəyi ilə Türkiyədə milli mədəniyyətimizi təbliğ istiqamətində “Tanınmış azərbaycanlıların izi ilə” adlı layihə həyata keçirir.
Crossmedia.az xəbər verir ki, sözügedən layihə çərçivəsində Türkiyənin “TİVİ 6” televiziya proqramının Azərbaycanın zəngin mədəniyyətinin Türkiyədə tanıdılması istiqamətində fəaliyyət göstərən “Zəngəzur” - Azərbaycan Xalq Rəqsləri Ansamblı, onun rəhbəri, Türkiyədə milli mədəniyyətimizi və rəqs sənətimizi tanıdan xoreoqraf Gülçöhrə Sangu, habelə milli musiqi alətimiz olan tar ustası, sənətçi Abdulla Qurbani qonağı olublar.
“Buketin Penceresinden” adlı teleproqramda Azərbaycanın təkrarsız mədəniyyəti, onun qardaş Türkiyədə təbliği istiqamətində Azərbaycan Mədəniyyət Mərkəzi tərəfindən reallaşdırılan layihələr, milli mətbəximiz, rəqslərimiz haqqında söhbətlər olmuş və geniş məlumat verilib.
Televiziya verilişində “Zəngəzur” Azərbaycan Xalq Rəqsləri Ansamblının çıxışları, Abdulla Qurbaninin rəhbərlik etdiyi “Buta Baku” instrumental ansamblının milli musiqili əsərlərindən ibarət ifaları səsləndirilib və maraqlı təqdimatlar nümayiş etdirilib.
17:20 05.05.2025
Oxunuş sayı: 10654
