ABŞ Ukraynaya hərbi texnikanın saxlanması üçün müdafiə podratçıları göndərəcək
ABŞ administrasiyası F-16 döyüş təyyarələri və Patriot hava hücumundan müdafiə sistemləri də daxil olmaqla, Ukraynaya təqdim olunan silah sistemlərinin saxlanması və təmiri məqsədilə ABŞ müdafiə podratçılarının bu ölkəyə göndərilməsinə dair de-fakto qadağanı ləğv edib. Bu barədə ABŞ mediası məlumat yayıb.
Pentaqon qərarı təsdiqləyərək bildirib ki, bu addım plan üzrə həyata keçirilir, çünki bəzi sistemlərin — xüsusilə F-16 və Patriot-ların — saxlanması üçün xüsusi texniki bilik və təcrübə tələb olunur. Müdafiə Nazirliyi yaxın vaxtlarda bu məqsədlə bağlanacaq müqavilələrin siyahısını ictimaiyyətə təqdim edəcək.
Məlumata görə, podratçıların Ukraynaya tezliklə göndərilməsi planlaşdırılır və onların fəaliyyəti birbaşa döyüş əməliyyatlarında deyil, arxa cəbhədə dəstək göstərmək istiqamətində olacaq.
08:46 04.05.2025
Oxunuş sayı: 851
