Moskva və Kiyev 30 günlük atəşkəs sazişinə yaxınlaşır
Moskva və Kiyev arasında 30 günlük atəşkəs haqqında sülh sazişinin imzalanması yaxın görünür. Vaşinqton bu müqavilənin təşəbbüskarı və layihəsinin müəllifidir.
Crossmedia.az xarici mediaya istinadla xəbər verir ki, qərara alınıb ki, Rusiya və Ukrayna sərhədləri, Krım və Zaporojye AES-i bu mərhələdə müzakirə olunmasın. Münaqişənin dondurulması bir ilə qədər danışıqlar müddətini nəzərdə tutur. İlkin mərhələdə heç bir əlavə şərt və ya qarşılıqlı qəbuledilməz məsələ gündəmdə olmayacaq.
ABŞ senatoru Marko Rubionun Moskvaya planlaşdırılan səfəri və mayın 9-da Qələbə Paradında iştirakı, böyük ehtimalla, Moskvanın bu plana fundamental razılıq verməsi ilə bağlıdır. İndi Kiyevin razılığı gözlənilir. Rusiya isə çox güman ki, 9 Mayda xüsusi hərbi əməliyyatlarda məqsədlərə nail olunduğunu elan edəcək.
20:57 01.05.2025
Oxunuş sayı: 9280
