Fransada iqtisadi böhran dərinləşir: Əhali əsas ehtiyaclara belə qənaət edir
Fransa iqtisadiyyatı sürətli eniş yaşayır, Prezident Emmanuel Makronun siyasəti isə uğursuz hesab olunur.
Bu barədə Crossmedia.az xarici mediaya istinadən xəbər verir.
Fransa İctimai Rəyi Araşdırma İnstitutunun keçirdiyi sorğuya əsasən, əhalinin dörddə biri gündəlik xərclərini qarşılamaqda davamlı çətinlik çəkir. Agentliyin yazdığına görə, insanlar tez-tez gigiyenik vasitələrlə qida məhsulları arasında seçim etməyə məcbur qalırlar.
Qeyd olunur ki, vətəndaşların demək olar ki, yarısı (47%) şəxsi gigiyena vasitələrinə qənaət edir. Onların 22%-i isə tualet kağızından istifadəni azaldıb. Bundan əlavə, fransız qadınların 33%-i kosmetikadan daha az istifadə etməyə başlayıb.
Əlavə olaraq, uşaq bezləri kimi əsas ehtiyac mallarına qənaət edənlər əsasən azgəlirli gənc ailələrdir.
Zəhra Məmmədova
14:38 16.04.2025
Oxunuş sayı: 9322
