Tədqiqat Mərkəzi: “İran Qırmızı dənizdə husilərin təsirinin genişlənməsini dəstəkləyir”
“Əl-Moxa” Tədqiqat və Araşdırmalar Mərkəzi yeni hesabatında “Ənsarullah” hərəkatının (husilər) Qırmızı dənizin qərb sahillərində Sudan, Eritreya, Cibuti və Somalidə təsirinin genişlənməsi barədə xəbərdarlıq edib.
Bu barədə Crossmedia.az ərəb mediasına istinadən məlumat verir.
Mərkəzin məlumatına görə, Tehran 2008-ci ildən Eritreya hökuməti ilə əlaqələrindən istifadə edərək husilərə maddi-texniki dəstək verməyə başlayıb. Bildirilib ki, Eriteriya yaraqlılara ev sahibliyi etməklə yanaşı, balıqçı qayıqları vasitəsilə qaçaqmalçılıq yolu ilə silah keçirmək üçün köməklik göstərib.
Qeyd olunub ki, Eritreya 2014-cü ildə İranla rəsmi əlaqələri kəssə də, gizli əməkdaşlığın davam etdiyinə dair çoxsaylı əlamətlər var. İranın maliyyə və hərbi dəstəyini alan husilərin Qırmızı dənizdə bəzi bölgələrə təsirini gücləndirdiyi vurğulanıb.
15:50 14.04.2025
Oxunuş sayı: 6906
