Mütəxəssislərdən xəbərdarlıq: Üz şəkillərinin süni intellektlə vizuallaşdırılması…
Üz şəkillərinin süni intellektlə vizuallaşdırılması tendensiyaları şəxsi məlumatlardan sui-istifadə riskini artırır. Son zamanlar sosial mediada populyarlaşan “Ghibli trend” və buna bənzər süni intellekt proqramları şəxsi məlumatların təhlükəsizliyi baxımından ciddi risklər yaradır.
Crossmedia.az Türkiyə mətbuatına istinadla xəbər verir ki, bu barədə Anadolu Universitetinin Sosial Media və Rəqəmsal Təhlükəsizlik Təhsil, Tətbiq və Araşdırma Mərkəzinin (SODİGEM) direktoru Prof. Dr. Adile Aşkım Kurt məlumat verib.
“Süni intellektdən istifadə etməklə istifadəçilərin üzlərini əks etdirən fotoşəkillərin vizuallaşdırılması biometrik məlumatların zərərli istifadəsinə yol aça bilər. Bu cür tətbiqlər yüklənmiş şəkilləri öz serverlərində saxlayır. Bu vəziyyət Avropada ümumi məlumatların, Türkiyədə isə fərdi məlumatların qorunması qanununu poza bilər. Bu şəkillərə yazılan qeydlərin sosial mühəndislik hücumlarında da istifadə oluna bilər. “Ghibli” sənət üslubunu bir neçə əmrlə təqlid etmək “əməyə hörmət” mövzusunda müzakirələrə səbəb olub”,- deyə o bildirib.
SODİGEM-in direktor müavini Dr.Serap Uğur da istifadəçilərin yazı dili, durğu işarələri seçimləri və emojiləri ilə rəqəmsal profillərin yaradıla biləcəyini, bu məlumatların üçüncü şəxslər tərəfindən izlənilə, eyni zamanda təhlil edilə biləcəyini bildirib:
“Bəzi platformaların gizli razılaşmalar yolu ilə yüklənmiş şəkilləri “təhsil məlumatları” kimi istifadə etmək hüququ əldə edir. “3D hərəkət fiquru dizaynı” kimi yeni tendensiyalar da məlumat riskləri daşıyır”.
Nəzrin Salmanova
13:25 14.04.2025
Oxunuş sayı: 1516
