Müraciətlərin çox olduğu məktəblərə qəbul zamanı kimlərə üstünlük tanınır?
I sinfə qəbul üzrə müraciətlərin çox olduğu bəzi ümumi təhsil müəssisələrində uşaqların qəbulunun hansı üstünlük hüququ əsasında aparıldığı açıqlanıb. Bu suala MÜTDA tərəfindən aydınlır gətirilib.
Bildirilib ki, Abşeron rayonu, Bakı, Sumqayıt və Gəncə şəhərində yerləşən bir sıra ümumi təhsil müəssisələrində birinci sinfə onlayn qeydiyyat zamanı uşaqların məktəbə qəbulu üzrə aşağıda qeyd olunmuş üstünlük hüquqları təmin olunur:
• valideyni (qanuni nümayəndəsi) qeydiyyat ünvanı üzrə həmin ümumi təhsil müəssisəsinin müəyyən edilmiş ərazisində yaşayan;
• valideyni (qanuni nümayəndəsi) həmin ümumi təhsil müəssisəsində işləyən;
• bacısı və ya qardaşı həmin ümumi təhsil müəssisəsində təhsil alan. (TREND)
18:29 07.04.2025
Oxunuş sayı: 7048
