KİV: Ukrayna hərbçiləri Qara dənizdə atəşkəsə şübhə ilə yanaşır
Ukrayna artıq Qara Dənizdə hərbi və kommersiya sahəsində uğurlar əldə edib. Bu baxımdan Ukrayna Hərbi Dəniz Qüvvələrinin hərbçiləri Rusiya ilə atəşkəs razılaşmasının Ukraynaya nə kimi üstünlüklər gətirə biləcəyinə şübhə ilə yanaşırlar.
Crossmedia.az xəbər verir ki, "The New York Times" qəzetinə verilən şərhlərdə qeyd olunur ki, atəşkəs limanları Rusiya pilotsuz uçuş aparatlarından və raket zərbələrindən qoruya bilər, lakin bu, Ukraynanın dənizdəki strateji üstünlüyündən imtina etməsi deməkdir.
Odessa şəhərində fəaliyyət göstərən Novik LLC gəmi agentliyinin rəhbəri, Tariş Hacişvili atəşkəs istəmədiyini bildirib: "Atəşkəs istəyən tək tərəf Rusiya olacaq, çünki artıq Qara Dəniz üzərində nəzarətləri yoxdur."
Ukraynalıların şübhələri Moskvanın atəşkəs barədə irəli sürdüyü şərtlərdən sonra daha da güclənib.
Aydan Quliyeva
16:53 07.04.2025
Oxunuş sayı: 8325
