Berlin: Sülh şərtlərini Ukrayna özü müəyyən etməlidir
Almaniya Ukraynanın müharibənin başa çatdırılması ilə bağlı bütün sülh danışıqlarında birbaşa iştirakını dəstəkləyir.
Crossmedia.az xəbər verir ki, “Ukrinform” bu barədə Almaniya Xarici İşlər Nazirliyinin sözçüsü Katrin Deşauerin açıqlamasına istinadən məlumat yayıb.
Deşauer bildirib ki, Ukrayna özü üçün hansı sülh şərtlərinin məqbul olduğunu müəyyən etməlidir. Onun sözlərinə görə, buna yalnız münaqişədən birbaşa təsirlənən tərəflərin danışıqlarda əsas rol oynaması ilə nail olmaq mümkündür.
XİN sözçüsü xatırladıb ki, Berlin hərbi əməliyyatların dayandırılmasına yönələn istənilən diplomatik prosesə Ukraynanın cəlb edilməsini ardıcıl şəkildə dəstəkləyir.
Deşauerin fikrincə, müvafiq danışıqlar mütləq ukraynalıların özlərinin iştirakı ilə aparılmalıdır. O, bu yanaşmanı düzgün hesab etdiklərini vurğulayıb.
10:26 20.10.2026
Oxunuş sayı: 65
