Kreml Ukraynada hakimiyyət dəyişikliyi gözləyir
Beynəlxalq mətbuatda yayılan məlumatlara görə, Rusiya Prezidenti Vladimir Putinin analitikləri müharibənin dinc yolla həllini yalnız gələn il mümkün hesab edirlər. Bu proqnozun əsas səbəbi Ukrayna hakimiyyətində gözlənilən dəyişikliklərlə bağlıdır.
Rusiya tərəfi hesab edir ki, gələn il Ukrayna Prezidenti Volodimir Zelenski əvəzlənəcək və ölkə hökuməti Rusiya Federasiyasının tələblərinə uyğun olaraq yenidən qurulacaq. Analitiklərin fikrincə, Moskvanın əsas məqsədi Ukraynada Rusiyapərəst hakimiyyətin formalaşdırılmasıdır. Bu prosesin nəticəsi olaraq yeni təyin olunmuş rəhbərlərin Rusiya Federasiyasının şərtlərini qəbul etməsi və faktiki kapitulyasiya sənədinə imza atması gözlənilir.
Siyasi şərhçilər qeyd edirlər ki, Kremlin əsas hədəfi Ukraynada Rusiyapərəst hökumət qurmaqla münaqişənin sona çatdırılmasıdır. Bu məqsədin həyata keçirilməsi üçün Ukrayna hakimiyyətindəki dəyişikliklərin müharibənin taleyinə ciddi təsir göstərəcəyi vurğulanır.
Qeyd edək ki, hazırda Ukrayna hakimiyyəti Rusiya Federasiyasının hər hansı bir təzyiqinə boyun əyməyəcəyini və ərazi bütövlüyünü qorumaq niyyətində olduğunu bəyan edir.
Nigar Yahyazadə
22:38 03.04.2025
Oxunuş sayı: 9202
