Pentaqon: Rusiya Qərblə uzunmüddətli münaqişəyə hazırlanır
ABŞ Müdafiə Nazirliyi (Pentaqon) Rusiyanın öz hərbi və iqtisadi infrastrukturunu Qərb ölkələri ilə uzunmüddətli münaqişəyə hazırladığını bildirir. Bu barədə NATO-nun Avropadakı Birləşmiş Silahlı Qüvvələrinin baş komandanı, general Kristofer Kavoli açıqlama verib.
Crossmedia.az TASS-a istinadən xəbər verir ki, General Kavoli ABŞ Senatının Silahlı Qüvvələr Komitəsindəki dinləmələr üçün hazırladığı giriş sözündə qeyd edib ki, Rusiya rəhbərliyi ölkənin hərbi, iqtisadi və sosial strukturlarını Qərblə uzunmüddətli münaqişəni davam etdirmək məqsədilə yenidən qurub. O, bu dəyişikliklərin Rusiya tərəfindən Qərbə qarşı gələcəkdə müqavimət göstərmək niyyətini ortaya qoyduğunu vurğulayıb.
Kavolinin fikrincə, Rusiya geosiyasi üstünlüklər əldə etməyi hədəfləyir. General, həmçinin əlavə edib ki, Rusiya həm regional, həm də qlobal gücünü artırmağa çalışır.
Fatimə Məmmədova
22:10 03.04.2025
Oxunuş sayı: 5641
