ABŞ-nin yeni tarif siyasəti: Mərkəzi Asiya ölkələrinə təsiri
ABŞ Prezidenti Donald Tramp Mərkəzi Asiya ölkələrinə təsir edən idxal tariflərinin artırıldığını elan edib.
Crossmedia.az xarici mediaya istinadən xəbər verir ki, Qazaxıstana 27% dərəcəsində artırılmış gömrük rüsumu tətbiq edilib. Digər Mərkəzi Asiya respublikaları – Qırğızıstan, Tacikistan, Türkmənistan və Özbəkistan isə 10%-lik baza tarifinə məruz qalıb.
Bu qərar bazarda paritetin bərpası məqsədilə qəbul edilib. Yeni dəyişikliklərə qədər ABŞ-a idxal olunan mallara tətbiq edilən orta tarif cəmi 3,3% təşkil edirdi. Halbuki bu göstərici digər ölkələrdə xeyli yüksəkdir: Aİ-də 5%, Çində – 7,5%, Braziliyada – 11,2%, Hindistanda isə – 17%.
Qazaxıstana tətbiq edilən yüksək tariflər cavab tədbiri kimi qiymətləndirilir, çünki ABŞ iddia edir ki, Qazaxıstan Amerika mallarına 54%-lik gömrük rüsumu tətbiq edir. Regiondakı bir çox ekspertlər bu 54%-lik göstəriciyə şübhə ilə yanaşsa da, ABŞ administrasiyası bu məsələ ilə bağlı heç bir izahat verməyib.
Zəhra Məmmədova
20:23 03.04.2025
Oxunuş sayı: 1069
