Ermənistanın yeni Konstitusiyası ictimai müzakirəyə çıxarılacaq
Ermənistanın ədliyyə naziri Srbuhi Qaloyan yeni Konstitusiyanın mətninin hazır olduqdan sonra dərc ediləcəyini və ictimai müzakirəyə çıxarılacağını bildirib.
Crossmedia.az xəbər verir ki, o, bunu martın 18-də parlamentdə jurnalistlərə açıqlamasında deyib.
Nazir qeyd edib ki, hələlik yekun layihə mövcud deyil və bu proses uzun müddət tələb edir. Onun sözlərinə görə, yeni Konstitusiyanın hazırlanması 8-10 ay davam edə bilər.
Baş nazir Nikol Paşinyanın yeni Konstitusiyanın regional əhəmiyyətə malik olacağı barədə açıqlamasına toxunan Qaloyan bildirib ki, bu sənəd sülhə, sülh sazişinə və sülh yönümlü münasibətlərə təhlükə yaratmayacaq.
“Hər halda elə işləməliyik ki, ölkədə sülh və təhlükəsiz mühit yaransın”, – deyə nazir vurğulayıb.
Fatimə Məmmədova
17:58 03.04.2025
Oxunuş sayı: 6761
