Əməliyyat zamanı canlı yayım açan cərrahla bağlı araşdırma başladı
Sosial şəbəkələrdə Bakıdakı klinikalardan birində cərrahın üzgərmə əməliyyatı zamanı xəstənin dərisini əlində tutub, canlı yayım açdığı haqda görüntülər yayılıb.
Məsələ ilə bağlı Analitik Ekspertiza Mərkəzindən bildirilib ki, üzgərmə əməliyyatında canlı yayım açan cərrahla bağlı araşdırma başlayıb.
"Bu məsələ ilə bağlı məlumatlıyıq. Səhiyyə Nazirliyi Analitik Ekspertiza Mərkəzində hadisənin araşdırılması məqsədi ilə artıq işçi qrupu yaradılıb.
Məsələ ciddi araşdırılacaq və ehtiyac yarandığı halda plandankənar yoxlamanın açılması barədə qərar qəbul ediləcək. Araşdırmanın nəticəsi barədə ictimaiyyətə məlumat veriləcək", - mərkəzdən qeyd edilib. (trend)
10:18 02.04.2025
Oxunuş sayı: 8348
