İranlı siyasi fəal: “Siz türk dilini təhqir edərək insanları qəzəbləndirirsiniz”
İran prezidenti Məsud Pezeşkiana yaxın siyasi fəal Rəhmətullah Bigdeli Pezeşkiana ictimai yerlərdə türkcə danışmamalı olduğunu söyləyən Abbas Axundiyə cavab olaraq deyib:
“Siz türk dilinii təhqir etməklə insanların narahatlığına, qəzəbinə səbəb olur, ölkəyə, millətə zərər verirsiniz!”.
Crossmedia.az xarici KİV-ə istinadən xəbər verir ki, siyasi fəal ”Millətin mədəniyyətinə, dilinə qarışmağı dayandırın və onları bu qədər qəzəbləndirməyin”, - deyə, qeyd edib.
“Rəhbər (Xameneyi) sizin göstərişinizin əksinə olaraq çıxışlar edir, danışır, türkcə öyrənməyi tövsiyə edir. Onun türkcə danışdığı üç videosuna baxın və millətin mədəniyyətinə, dilinə qarşı davranışlarınızdan utanın”, - deyə, Bigdeli vurğulayıb.
15:15 28.03.2025
Oxunuş sayı: 909
