Tramp bu layihənin üç variantını nəzərdən keçirəcək
ABŞ Prezidenti Donald Tramp gələn həftə "Qızıl qübbə" (“Golden Dome”) raket əyehinə müdafiə sisteminin yaradılması layihəsinin üç variantını nəzərdən keçirəcək.
Crossmedia.az xəbər verir ki, bu barədə ABŞ-nin “Defense One” portalı Pentaqondakı mənbələrə istinadən məlumat yayıb.
Onların məlumatına görə, amerikalı hərbi mütəxəssislər ölkə Prezidentinə təqdim etmək üçün layihənin miqyasına və mürəkkəbliyinə görə bir neçə fərqli variantını hazırlayırlar. Bu variantlardan hər hansı birinin həyata keçirilməsi üçün qurumlar aktiv şəkildə qarşılıqlı fəaliyyət göstərməli və xüsusi struktur yaradılmalıdır.
"Yəqin ki, bunun öhdəsindən gəlmək üçün yeni təşkilat yaratmalı olacağıq", - mənbə qeyd edib.
Eyni zamanda digər iki mənbə artıq yeni bölmənin yaradılması üzərində işlərin aparıldığını və orada rəhbər vəzifələrə namizədlərin siyahısının tərtib edildiyini bildiriblər.
Qeyd edək ki, ABŞ Prezidenti Donald Tramp yanvarın 28-də “Dəmir qübbə” raket əleyhinə milli müdafiə sisteminin qurulması haqqında fərman imzalayıb. Sistem nüvə silahlarını məhv etmək üçün lazerlərlə təchiz edilmiş vasitələrin kosmosda yerləşdirilməsini nəzərdə tutur. Tramp müdafiə naziri Pit Heqsetə 60 gün ərzində belə bir sistemin yerləşdirilməsi planını təqdim etməyi tapşırıb.
11:50 28.03.2025
Oxunuş sayı: 5348
