ABŞ Ukraynanın resurslarına və infrastrukturuna nəzarət etməyə çalışır
ABŞ Ukraynanın mədən resursları və infrastrukturuna yatırımları nəzarət altına almaq istəyir.
Crossmedia.az bildirir ki, xarici KİV-lərin yaydığı məlumata görə, ABŞ bu sahələrdə üstünlük əldə edərək, digər müttəfiqlərin Ukraynanın inkişafına təsir imkanlarını məhdudlaşdıra bilər. Bu isə ölkənin Avropa İttifaqına (Aİ) üzvlük prosesinə mane ola bilər.
Müqaviləyə əsasən, ABŞ Ukraynanın infrastruktur və təbii resurs layihələrinə ilk investisiya hüququna malik olacaq. Bundan əlavə, yollar, limanlar, mədənlər, neft, qaz və strateji mineralların hasilatı kimi sahələrdə geniş nəzarət hüquqları əldə edəcək. Ukrayna hökuməti bu layihələrdən əldə olunan gəlirin 50 faizini xüsusi bir fonda yönləndirməlidir.
Bildirilir ki, ABŞ öz investisiyalarını geri götürməzdən əvvəl bütün gəlirləri və illik 4 faiz əlavə ödəniş əldə edəcək. Bununla yanaşı, Ukraynanın metal, mineral, neft və qaz ehtiyatlarını digər ölkələrdən əvvəl almaq hüququna sahib olacaq.
Qeyd edək ki, müqavilənin müddəti məhdudlaşdırılmayıb və ABŞ Ukraynanın bəzi strateji minerallarını müəyyən ölkələrə satmasına qadağa qoyacaq.
Fatimə Məmmədova
23:47 27.03.2025
Oxunuş sayı: 1632
