Cənubi Koreyada meşə yanğınlarında ölənlərin sayı artıb
Cənubi Koreyada davam edən meşə yanğınları nəticəsində ölənlərin sayı 28-ə çatıb.
Crossmedia.az xarici KİV-ə istinadən xəbər verir ki, alov 38 min hektar ərazini əhatə edərək ölkə tarixinin ən böyük meşə yanğınlarından birinə çevrilib.
Məlumata görə, yanğınlar Cənubi Kyonqsan və Şimali Kyonqsan əyalətlərində ötən cümə günündən bəri davam edir.
Müvəqqəti prezident Han Duck-soo yanğınların görünməmiş sürətlə yayıldığını və bu səbəbdən çoxlu insan tələfatının yaşandığını bildirib.
Şimali Kyonqsan əyalətinin dağlıq bölgələrindəki qədim məbədlər və evlər yanıb kül olub.
Yanğınlarla mübarizə üçün 120-dən çox helikopter üç fərqli bölgəyə göndərilib.
Görülən tədbirlərə baxmayaraq, alovların söndürülməsi hələ mümkün olmayıb.
00:30 28.03.2025
Oxunuş sayı: 1314
