Turistləri daşıyan sualtı qayıq batıb: 6 ölü
Misirin Qırmızı dəniz sahillərində rusiyalı turistləri daşıyan sualtı qayığın batıb.
Crossmedia.az xarici mediaya istinadən xəbər verir ki, hadisə nəticəsində 6 nəfər ölüb.
Qırmızı dəniz bölgəsinin qubernatoru Əmr Hənəfi qəza nəticəsində 6 turistin həyatını itirdiyini, 39 nəfərin isə sağ-salamat xilas edildiyini bildirib.
Rusiya Federasiyasının Hurqadadakı baş konsulu Viktor Voropayev qəzada həlak olanlar arasında iki uşağın da olduğunu açıqlayıb.
Həmin an sualtı qayığın içində daha çox turistin olduğu ehtimal edilsə də, qubernatorun sözlərinə görə, hazırda itkin düşən şəxs yoxdur.
Hadisənin səbəbləri ilə bağlı araşdırmalar davam etdirilir.
23:55 27.03.2025
Oxunuş sayı: 1422
