İsrailin hava hücumu nəticəsində HƏMAS sözçüsü həlak olub
İsrailin Qəzza zolağının şimalına endirdiyi hava zərbəsi nəticəsində Fələstinli HƏMAS hərəkatının mətbuat katibi Əbdüllətif əl-Kanuə həlak olub.
Məlumata görə, Əbdüllətif əl-Kanuə Cəbaliya şəhərində yerləşən çadırda olduğu zaman İsrail aviasiyası tərəfindən zərbə endirilib. "Quds News Network" agentliyi HƏMAS sözçüsünün cəsədinin fotosunu yayımlayıb.
Crossmedia.az xarici mediaya istinadən bildirir ki, 26 mart tarixində İsrailin Qəzza zolağının şimalına təşkil etdiyi hücum nəticəsində azı 26 nəfər həlak olub. Nəşr qeyd edir ki, xəsarət alanların bəzilərinin vəziyyəti ağır olduğu üçün ölənlərin sayı arta bilər.
“The Jerusalem Post” yazır ki, Əbdüllətif əl-Kanuə HƏMAS-ın ən tanınmış nümayəndələrindən biri olub. 2023-cü ilin oktyabrında başlayan hərbi əməliyyatlar zamanı o, mediada nadir hallarda görünüb, lakin 2025-ci ilin yanvarında atəşkəs elan olunduqdan sonra bir neçə ərəb xəbər kanalına müsahibə verib.
11:12 27.03.2025
Oxunuş sayı: 9664
