ABŞ məhkəməsi bu qərarı bloklayıb
ABŞ məhkəməsi Tramp administrasiyasının Azadlıq Radiosunun bağlanması ilə bağlı qərarını bloklayıb. Crossmedia.az xarici KİV-ə istinadən xəbər verir ki, Federal hakim Royce Lambert media qurumunun maliyyələşdirilməsinin dayandırılmasını əsassız hesab edib və bunu qanun pozuntusu kimi dəyərləndirib.
Hakim qərarında vurğulayıb ki, ABŞ-nin Qlobal Media Agentliyi heç bir hüquqi əsas olmadan Azadlıq Radiosunun fəaliyyətini dayandıra bilməz – hətta bunu prezident belə əmr etsə.
Qeyd edək ki, Azadlıq Radiosu ABŞ hökuməti tərəfindən maliyyələşdirilsə də, müstəqil redaksiya siyasəti yürüdən media təşkilatıdır. O, xüsusilə postsovet ölkələrində senzura şəraitində alternativ informasiya mənbəyi rolunu oynayır.
10:56 27.03.2025
Oxunuş sayı: 8542
