Qırğızıstanda yaradılan süni buzlaqlar 1,5 milyon kubmetr buz toplayıb
Qırğızıstanın cənubunda 2024-cü ilin payızında yaradılan yeddi süni buzlaq qış mövsümü ərzində 1,5 milyon kubmetrdən çox buz toplayıb.
Crossmedia.az xəbər verir ki , bu barədə xarici KİV məlumat yayıb.
Belə ki, bu buzlaqlar hündürlüyü 50 metrə qədər çatan buz qüllələridir. Onlar soyuq havada suyun püskürdülərək dondurulması yolu ilə formalaşır.
Qışda su ehtiyatı kimi buz şəklində toplanan bu qurğular yay aylarında kənd təsərrüfatının su təminatında istifadə olunur.
Qeyd edək ki, hər bir süni buzlaq 300-500 hektar ərazinin suvarılmasına imkan yaradır və həmçinin mal-qaranın su təminatına töhfə verir.
Fatimə Məmmədova
15:14 26.03.2025
Oxunuş sayı: 6930
