Tramp: Putin Ukrayna ilə sülh razılaşmasını gecikdirə bilər
ABŞ prezidenti Donald Tramp Rusiya prezidenti Vladimir Putinin Ukrayna ilə sülh razılaşmasını qəsdən gecikdirə biləcəyini bildirib.
Crossmedia.az xəbər verir ki, bu barədə Newsmax məlumat yayıb.
"Bilmirəm. Mən bunu müəyyən bir anda sizə bildirəcəyəm. Düşünürəm ki, Rusiya bu münaqişəni bitirmək istəyir, amma ola bilər ki, sadəcə vaxt udmağa çalışır", – deyə Tramp qeyd edib.
O, öz biznes təcrübəsindən nümunə gətirərək vurğulayıb ki, bəzən razılaşmanı dərhal imzalamamaq və "oyunda qalmaq" daha sərfəli olur.
"Mən bunu illərlə etmişəm. Bəzən müqaviləni imzalamaq istəmirəm, sadəcə prosesin içində qalmaq istəyirəm. Amma bəlkə də heç imzalamaq istəmirəm. Buna tam əmin deyiləm. Ancaq düşünürəm ki, Rusiya münaqişəni bitirmək istəyir və Zelenski də bu mərhələdə onun sona çatmasını arzulayır", – Tramp əlavə edib.
Fatimə Məmmədova
13:09 26.03.2025
Oxunuş sayı: 1004
