Zelenskinin Trampa hədiyyəsi ortalıqda qalıb?- Özü cavabladı
Ukrayna Prezidenti Volodimir Zelenski ABŞ prezidenti Donald Trampa hədiyyə etdiyi çempion kəmərinin hazırda harada olduğunu bilmir.
Crossmedia.az xəbər verir ki, o, bu barədə "Time" jurnalına müsahibəsində deyib.
Zelenski nəşrə müsahibəsində "Bəlkə, hələ də oradadır" deyə ehtimal edib.
Məlumata görə, bir müddət əvvəl Oval kabinetdə baş verən mübahisədən sonra kəmər divanın yanında olan masanın üzərində qalıb. Daha sonra Ukrayna nümayəndə heyəti Ağ Evi tərk edəndə, administrasiya əməkdaşlarından biri onu Trampın şəxsi yeməkxanasına aparıb.
Bildirilir ki, hazırda kəmər digər suvenirlərlə birlikdə həmin məkanda saxlanılır.
Fatimə Məmmədova
14:40 25.03.2025
Oxunuş sayı: 6728
