Rusiya, ABŞ-la danışıqlarda bu bölgələrin Kremlin nəzarətinə verilməsini tələb edib
Səudiyyə Ərəbistanında ABŞ-la aparılan danışıqlar zamanı Rusiya nümayəndə heyəti Ukraynanın Donetsk, Luqansk, Zaporojya və Xerson vilayətlərinin bütün ərazilərinin Rusiya ordusunun tam nəzarətində olmamasına baxmayaraq, bu ərazilərin Kremlin nəzarətinə verilməsini tələb edib.
Crossmedia.az, The Moscow Times nəşrinə istinadən xəbər verir ki, Moskva bu bölgələri bütövlükdə Rusiya Federasiyası Konstitusiyasına uyğun olaraq qəbul etməkdə israrlıdır. Kremlin yaxın mənbəsi qeyd edib: “Bizə bütün Zaporojya və bütün Xerson bölgəsi lazımdır”.
Həmçinin qeyd edilir ki, Kremlin Vaşinqtondan Kiyevə qoşunlarını tamamilə geri çəkməsi üçün təzyiq göstərməsi gözlənilir.
Zəhra Məmmədova
11:32 25.03.2025
Oxunuş sayı: 977
