Rusiyadan Suriyaya Arktika marşrutu ilə ilk neft tədarükü həyata keçirildi
Rusiyaya məxsus AQUATICA tankeri ilk dəfə olaraq Arktika marşrutu vasitəsilə Suriya sahillərinə 722 min barel yüngül neft çatdırıb.
Crossmedia.az xarici mediaya istinadən xəbər verir ki, ABŞ-nin sanksiya siyahısında olan, Barbados bayrağı altında üzən gəmi martın 22-də Banias limanında lövbər salıb.
Bu hadisə, Qərbin tətbiq etdiyi məhdudiyyətlərə baxmayaraq, Rusiyanın “kölgə” logistika vasitəsilə neft ixracını davam etdirdiyini göstərir. Suriya kimi ölkələr isə ikinci dərəcəli sanksiyalar təhlükəsinə baxmayaraq, tədarükləri qəbul etməyə davam edir.
Həmçinin qeyd edilir ki, sanksiyalar altında olan Suriyanın enerji infrastrukturu Rusiya və İran neftinə uyğunlaşdırılıb. Bu, ölkənin Rusiyadan neft və neft məhsulları idxalına olan ehtiyacını artırır və Moskvanın Suriyadakı hərbi bazaları ilə bağlı təsir imkanlarını gücləndirir.
Zəhra Məmmədova
11:45 25.03.2025
Oxunuş sayı: 10670
