Aİ liderləri Macarıstansız Ukrayna bəyanatı verməyə hazırlaşır
Avropa İttifaqının liderləri Macarıstanın etirazlarına baxmayaraq, Ukraynaya hərbi yardım və ölkənin Aİ-yə üzvlük məsələsində irəliləyişlə bağlı 26 üzv dövlətin adından bəyanat verməyə hazırlaşır.
Crossmedia.az xarici mediaya istinadən xəbər verir ki, bu addım, Macarıstanın Ukraynaya yardımla bağlı sərt mövqeyindən irəli gəlir. Rəsmi Budapeşt daha əvvəl Ukraynaya maliyyə və hərbi dəstək paketlərinə qarşı çıxmış, eyni zamanda Kiyevin Aİ-yə üzvlük danışıqlarına başlamasına etiraz etmişdi.
Həmçinin qeyd edilir ki, Avropa liderlərinin Macarıstansız bəyanat verməsi ittifaq daxilindəki fikir ayrılıqlarını açıq şəkildə ortaya qoysa da, digər üzv dövlətlərin Ukraynaya dəstək məsələsində ortaq mövqeyə sadiq qaldığını göstərir.
Zəhra Məmmədova
11:10 25.03.2025
Oxunuş sayı: 6602
