İranın neft tankerləri saxta sənədlərlə sanksiyalardan yan keçir
İranın neft tankerləri saxta İraq sənədləri ilə sanksiyalardan yan keçir.
Crossmedia.az xarici KİV-ə istinadən xəbər verir ki, dünən İraqın neft naziri Həyan Əbdülğəni İran tankerlərinin İraqa aid edilən saxta sənədlərdən istifadə edərək sanksiyalardan yayınıdığını deyib.
O, İraq hökumətinin bu məsələ ilə bağlı ABŞ-ı məlumatlandırdığını və bu sənədlərin İraqın rəsmi qurumları ilə heç bir əlaqəsinin olmadığını vurğulayıb.
“İran neft tankerləri ABŞ sanksiyalarının gücləndirilməsi ilə birlikdə və Amerika hərbi və nəzarət gəmiləri tərəfindən aşkarlanmamaq məqsədi ilə saxta İraq sənədlərindən və ya bu ölkəyə aid sənədlərdən istifadə edirlər”, - deyə, nazir vurğulayıb.
10:45 25.03.2025
Oxunuş sayı: 6842
