ABŞ və Ukrayna nümayəndə heyətləri bu məsələni müzakirə ediblər
️Ər-Riyadda ABŞ və Ukrayna nümayəndə heyətləri Ukrayna limanlarına hücumların dayandırılmasını müzakirə ediblər.
Crossmedia.az xarici KİV-ə istinadən xəbər verir ki, Prezident Aparatı rəhbərinin müşaviri Sergey Leşşenko telemarafon zamanı efirdə bildirib ki, danışıqlar qarşılıqlı atəşkəsdən gedir: "Ukrayna və Rusiya Federasiyası dənizdəki obyektlərə, o cümlədən limanlara hücum etməyəcəklər. O qeyd edib ki, bu, təkcə gəmiçilik həyata keçirilən Odessa limanlarına deyil, həm də Nikolayev və Xerson limanlarına da aiddir".
Həmçinin əsirlərin dəyişdirilməsi və ukraynalı uşaqların geri qaytarılmasından danışılıb.
Bundan əlavə, Leşçenko Ukrayna nümayəndə heyətinin ABŞ-Rusiya danışıqlarından sonra mümkün məsləhətləşmələr üçün hələ də Səudiyyə Ərəbistanında qaldığını təsdiqləyib.
10:10 25.03.2025
Oxunuş sayı: 1779
