Azərbaycan asteroidi
2698 Azərbaycan — Asteroid qurşağında yerləşən, kiçik asteroid. 11 oktyabr 1971-ci ildə Krım Astrofizika Rəsədxanası işçiləri tərəfindən kəşf olunmuşdur və ona Azərbaycan adı verilmişdir.
"Azərbaycan" adlanan bu asteroid, Mars və Yupiter arasında Günəşdən 398 milyon km aralıda yerləșir.
Günəşin ətrafında 4 il yarıma tam dövr vurur. 17 kilometr diametri var, yəni İçərişəhərdən Kürdəxanıyacan məsafədə uzanır.
Azərbaycan asteroidi Azərbaycana düşsəydi, 164 kilometrlik krater olacaqdı. Bakıdan Mərəzəyəcən hər şey yanacaqdı. Altda qalıb əzilməmisinizsə paltarınız birdən-birə yanacaq, bədəninizdə 3-cü dərəcəli yanıqlar olacaq, ağaclar və otlar birdən-birə yanacaqdı.
Bundan əlavə 10 ballıq seysmik titrəyiş, hava zərbəsinin təzyiqindən çökəcək binalar, sunamiyə uğrayacaq Xəzərətrafı bölgələr və s...
08:18 25.03.2025
Oxunuş sayı: 11577
