Putin Ukraynaya silah tədarükünün dayandırılmasını tələb edib
Rusiya Prezidenti Vladimir Putin Ukraynaya silah tədarükünün 30 günlük atəşkəs dövründə dayandırılmasını tələb edib. Bu şərt ABŞ-ın təklif etdiyi müvəqqəti sülh razılaşması çərçivəsində irəli sürülüb.
Crossmedia.az xarici mediaya istinadən xəbər verir ki, Putin bu tələbini 13 martda Moskvaya səfər edən ABŞ prezidentinin Yaxın Şərq üzrə xüsusi nümayəndəsi Stiv Uitkoff ilə görüşdə səsləndirib.
İddiaya əsasən, Rusiya lideri atəşkəsin əldə edilməsi üçün Ukraynaya hərbi yardımların müvəqqəti dayandırılmasını ilkin şərt kimi irəli sürüb. Rəsmi Moskvanın sözlərinə görə, söhbət yalnız məhdud müddətə silah tədarükünün dayandırılmasından gedir. Bununla belə, Kremlin mövqeyinə əsasən, gələcək sülh razılaşması Ukraynanın hərbi potensialının məhdudlaşdırılmasını da nəzərdə tutmalıdır.
Moskva Ukraynaya silah tədarükünün tamamilə dayandırılmasına çalışır. Lakin Rusiya mətbuatı bildirir ki, Kremlin “minimal hədəfi” heç olmasa ABŞ-ın hərbi yardımını dayandırmaqla bağlı razılığa nail olmaqdır.
Mədinə Cəlilova
20:00 18.03.2025
Oxunuş sayı: 1149
