Aİ Azad Avropa Radiosunu xilas edə bilərmi?
Tramp administrasiyasının həftə sonu qrantları dayandırmasından sonra Avropa İttifaqının nazirləri Azad Avropa/Azadlıq Radiosunu (Azadlıq Radiosu) ayaqda saxlamağın yollarını müzakirə edirlər.
Crossmedia.az xarici mediaya əsasən bildirir ki, Soyuq Müharibə dövründə yayıma başlayan Azadlıq Radiosu Şərqi Avropa, Mərkəzi Asiya və Yaxın Şərqdə mühüm reportajlarla tanınıb. Onun proqramları 23 ölkədə və 27 dildə yayımlanıb.
2024-cü ildə Rusiya Azadlıq Radiosunu və “Amerikanın Səsi”ni “xarici agent” elan edərək “arzuolunmaz təşkilatlar” siyahısına salıb. Media qurumu Ukrayna müharibəsi ilə bağlı tənqidi yayımlar aparıb və xüsusilə Krım Faktları və Donbas Faktları layihələri vasitəsilə işğal olunmuş ərazilərlə bağlı vacib məlumatlar yayıb.
Tramp administrasiyasının maliyyə dəstəyini kəsməsi Azadlıq Radiosunun gələcəyini qeyri-müəyyən vəziyyətə salıb. Hazırda Aİ rəsmiləri bu media orqanının fəaliyyətini davam etdirməsi üçün mümkün dəstək mexanizmlərini nəzərdən keçirirlər.
Zəhra Ağayeva
19:14 18.03.2025
Oxunuş sayı: 881
