Moskva: Üçtərəfli işçi qrupunun fəaliyyəti bərpa oluna bilər
Rusiya, Azərbaycan və Ermənistan arasında üçtərəfli işçi qrupu rəsmi olaraq bağlanmayıb və tərəfdaşlar müraciət edərsə, Moskva bu istiqamətdə işi davam etdirməyə hazırdır.
Crossmedia.az xəbər verir ki, bunu Rusiya Baş nazirinin müavini Aleksey Overçuk TASS-açıqlamasında deyib.
onun sözlərinə görə, üçtərəfli işçi qrupu 9-10 noyabr 2020-ci il tarixli birgə bəyanat əsasında yaradılıb və hazırda “yatmış” vəziyyətdədir. Lakin bu mövzu ətrafında tərəflər arasında təmaslar davam edir.
“Heç kim onu bağlamayıb və əgər tərəfdaşlar bizə müraciət etsələr, biz faydalı ola bilərik. Əlbəttə ki, bu işi məmnuniyyətlə davam etdirəcəyik. Lakin bu, tərəfdaşlardan asılıdır”, – deyə Overçuk vurğulayıb.
Mədinə Cəlilova
19:00 18.03.2025
Oxunuş sayı: 858
