Bu ölkələr Qəzza zolağında hərbi əməliyyatların bərpasına reaksiya verib
Rusiya, Çin, Türkiyə, Misir və BMT Qəzza zolağında hərbi əməliyyatların bərpasına reaksiya verib.
Crossmedia.az xarici mətbuata istinadla xəbər verir ki, Rusiya Moskva Qəzza zolağında vəziyyətin pisləşməsindən, xüsusilə də mülki əhalinin itkiləri ilə bağlı xəbərlərdən narahatdır.
Həmçinin, Pekin mövcud vəziyyətdən son dərəcə narahatdır və bütün tərəflər eskalasiyaya səbəb ola biləcək hər hansı hərəkətdən çəkinməyə çağırır.
Türkiyə isə bildirib ki, Qəzza hücumları İsrailin soyqırım siyasətinin yeni mərhələsinə qədəm qoyduğunu göstərir.
Misir İsrailin Qəzzaya zərbələrini pisləyir, tərəfləri təmkin göstərməyə və vasitəçilərə daimi atəşkəsə nail olmaq şansı verməyə çağırır.
BMT isə bildirir ki, İsrailin daha da böyük hərbi güc tətbiq etməsi Fələstin əhalisinin əzabını daha da artıracaq. Bu kabusa dərhal son qoyulmalıdır. Son 18 ay zorakılıqlar bu böhrandan hərbi çıxış yolunun olmadığını açıq şəkildə göstərib. İrəliyə doğru yeganə yol beynəlxalq hüquqa uyğun siyasi həlldir.
Nəzrin Salmanova
16:03 18.03.2025
Oxunuş sayı: 8129
