Ermənistanla münaqişələrin qarşısı birdəfəlik necə alınmalıdır?- Ekspert açıqladı
Ermənistan son günlər intensiv olaraq Azərbaycan mövqelərini atəşə tutur. Bu, sülhlə bağlı tərəflər arasında danışıqlara zərbə vurmaqla yanaşı, həm də növbəti müharibə ehtimalını artırır. Üstəlik, Ermənistanın Azərbaycanla şərti sərhəddə qoşun yığması və silahlanması barədə məlumat var. Beləliklə, üçüncü müharibənin başlanmasına dair iddialar da meydana çıxır.
Sözügedən iddia barədə Crossmedia.az-a açıqlama verən politoloq Zaur Məmmədov bildirib ki,
Ermənistan baş naziri Nikol Paşinyan bölgədə regional və qlobal aktorlar arasında razılaşmaya qədər Ermənistana şərti sərhədlərdə kiçik qələbə bəxş etmək istəyirsə, bu onun üçün çox böyük məğlubiyyətlə nəticələnəcək: "Bu təxribatların qarşısının alınması üçün Zəngəzurda üçüncü qüvvələr olmamalı idilər. Lakin, İrəvan arxasında Avropanın olmasına arxayın olaraq seçkiqabağı təxribat hazırlayır. Əslində baş verənlərə qarşı bir resept var. Zəngəzura azərbaycanlılar qayıdır və bununla da gələcəkdəki bütün təxribat və münaqişələrin qarşısı alınır".
Nigar Mustafa
13:32 18.03.2025
Oxunuş sayı: 1408
