Sensasiya: "Rusiya Azərbaycan və Ermənistan arasında genişçaplı hərbi toqquşma istəyir"
"Rusiyalı jurnalist və təbliğatçı Marqarita Simonyanın rəhbəri olduğu "Russia Today" sırf Kreml narrativlərini və tezis, paradiqmalarını beynəlxalq informasiya məkanında, xüsusilə ingilis dilli ölkələrdə yeritmək, yürütmək üçündür. O səbəbdən Russia Today həqiqəti danışsa belə xəbəriniz olsun ki, o həqiqət ucuz yalan və fitnə toxumu ekmek üçün prostitut məqsədlər üçün sui-istifadə olunur. Heç bir halda Azərbaycan informasiya məkanında "Russia Today"-ə istinadən xəbər yaymaq olmaz. Ən azından gözləmək lazımdır ki, dünyanın mötəbər media outletləri də bu informasiyanı təsdiqləsin".
Bunu Crossmedia.az-a açıqlamasında politoloq Qədir Aslan deyib.
"Əlavə olaraq, unutmaq olmaz ki, Rusiya hakim dairələri Azərbaycan və Ermənistanın mümkün olduqca sürətli şəkildə genişçaplı hərbi toqquşmasını istəyir və bunun üçün davamlı hər iki tərəfi təhrik və təşviq edir. Bu oyunlara və fitnəbazlıqlara aldanmaq olmaz. "Tarixi torpaqlar" formulirovkasını da media məkanından çıxartmaq lazımdır. Bu işin hüquqi və mülki bazası bizim əlimizi onsuz da yetərincə gücləndirir. Məhkəmələrdə Ermənistan hökumətini süründürüb həm kompensasiya,həm insanların öz məskənlərinə qayıtmasını təmin edə bilərik. Əlavə ədəbiyyat açmağa ehtiyac yoxdur. Çünki biz "tarixi torpaqlar" tezisini pedalladıqca Kremlin narrativlərinə bənzər və o kateqoriyaya düşən obraz, cild qazanmış oluruq beynəlxalq mediada. Bundan ehtiyatlanmaq lazımdır", - o bildirib.
Kənan Novruzov
13:20 18.03.2025
Oxunuş sayı: 4999
