Trampdan İrana təhdid mesajı: Husilərdən atılan hər gülləni sizdən biləcəyik!
ABŞ Prezidenti Donald Tramp husilərin həyata keçirdiyi hücumlarla bağlı sərt açıqlama verib.
Crossmedia.az xəbər verir ki, o, sosial media hesabında paylaşım edərək, hücumların İran tərəfindən yönləndirildiyini və bunun ciddi nəticələri olacağını bildirib.
Trampın açıqlamasında qeyd olunub:
"Heç kim aldanmasın! Husilər tərəfindən həyata keçirilən yüzlərlə hücumun hamısı İrandandır. İran, husiləri silahlandırır, maliyyələşdirir və onları yüksək səviyyəli hərbi texnika ilə təmin edir. Bundan sonra husilərin atdığı hər güllə İranın silahları və rəhbərliyi tərəfindən atılan güllə sayılacaq. İran bu hücumlara görə məsuliyyət daşımalıdır, əks təqdirdə nəticələri çox ağır olacaq!"
Ağ Ev də məsələ ilə bağlı bəyanat yayıb. Bəyanatda bildirilir ki, ABŞ rəhbərliyi İranın bu fəaliyyətlərini diqqətlə izləyir və Tehran administrasiyasının Trampın xəbərdarlığını ciddi qəbul etməsi vacibdir.
Aybəniz Səfərova
22:10 17.03.2025
Oxunuş sayı: 864
