Ərdoğan: Terrorsuz Türkiyə üçün cəsarətli addım atdıq
Türkiyə Prezidenti Rəcəb Tayyib Ərdoğan AK Partiya Konqres Mərkəzində mühüm açıqlamalar verib.
Crossmedia.az xəbər verir ki, o, çıxışında terrorla mübarizə, iqtisadi islahatlar və daxili siyasətlə bağlı vacib məqamlara toxunub.
Ərdoğan Xalq Alyansı ilə birlikdə Türkiyəni terror təhlükəsindən xilas etmək üçün əhəmiyyətli addımlar atdıqlarını bildirib:
"Xalq Alyansı ilə koordinasiyalı şəkildə həyata keçirdiyimiz terrorsuz Türkiyə üçün cəsarətli bir addım atdıq. İllərdir həllini tapmayan problemi biz həll edəcəyik”.
Daxili siyasətə toxunan Ərdoğan müxalifət daxilindəki boş müzakirələrin ölkənin real problemlərindən diqqəti yayındırdığını qeyd edib. O, bəzi bələdiyyələrdə korrupsiyanın artdığını və bu vəziyyətin hətta müxalifət nümayəndələri üçün də narahatlıq yaratdığını vurğulayıb:
"Resursların terror təşkilatlarına ötürülməsindən tutmuş, neft tankerlərində meyvə-tərəvəzin daşınmasına qədər müxtəlif qanunsuz hallarla qarşılaşırıq. Qadınlara qarşı kobud yanaşma və bələdiyyələrdə adamyeyənlik həddinə çatan korrupsiya cəmiyyətin hər təbəqəsini narahat etməyə başlayıb.”
Prezident çıxışının sonunda ölkənin gələcəyi üçün atılan addımların davam edəcəyini bildirib.
21:59 17.03.2025
Oxunuş sayı: 632
