Rubio Macarıstanın xarici işlər naziri Siyyartoya zəng edib
Macarıstan nəhayət ABŞ-nin zəngindən sonra Avropa İttifaqının (Aİ) Rusiyaya qarşı sanksiyalarını uzatmağa razılaşıb.
Crossmedia.az “Politico”ya istinadən xəbər verir ki, yanvar ayında Budapeşt ABŞ Prezidenti Donald Trampın Ağ Evə qayıtmasını əsas gətirərək sanksiyaların uzadılmasına veto qoymaqla hədələyib.
Qeyd edək ki, ABŞ-nin dövlət katibi Marko Rubio Macarıstanın xarici işlər naziri Peter Siyyartoya zəng edərək, onu Aİ-nin sanksiyalar sistemini pozmamağa çağırıb.
Bundan əvvəl KİV-lər bir həftədir ki, ABŞ-nin Macarıstanı Rusiyaya qarşı sanksiyaların uzadılmasını dəstəkləməyə inandırmağa çalışdığı barədə məlumat vermişdilər. Budapeşt sanksiya siyahısındakı 2200-dən çox adamdan 8 nəfərin çıxarılmasında israr edib. Güzəşt nəticəsində onlardan 4-ü sanksiyalar altında qalıb.
Nəzrin Salmanova
21:07 17.03.2025
Oxunuş sayı: 9892
