ABŞ Ukraynanı nə qədər dəstəkləyəcək?
ABŞ Prezidenti Donald Trampın Rusiya ilə yaxınlaşması fonunda Vaşinqtonun prioritetləri dəyişir. Belə ki, ABŞ administrasiyası Ukraynanı dəstəkləmək əvəzinə, diqqətini daha çox Tayvan və İsrailə yönəldir.
Crossmedia.az xəbər verir ki, bu barədə xarici KİV məlumat yayıb.
Qeyd olunub ki, hazırda Tramp hökuməti ticarət müharibələri, Kanada və Meksika ilə tarif mübahisələri, Qəzzadakı münaqişə, fond bazarındakı dalğalanmalar və kütləvi ixtisarlara qarşı etirazlarla mübarizə aparır: " Bu böhranlar arasında bir sual da gündəmdədir: ABŞ Ukraynanı tərk edəcəkmi? Fevralın 28-də Ağ Evdə Tramp və Ukrayna Prezidenti Volodimir Zelenski arasında gərgin müzakirələr aparılıb. Tramp Ukraynanın müharibədə "yaşaya biləcəyinə" əmin olmadığını bildirib:
"Bu, iki tərəfin qərarından asılıdır. Bu müharibə heç olmamalı idi, amma baş verdi. İndi isə bu xaosun içindəyik".
ABŞ-nin yeni dövlət katibi Marko Rubio isə Senatda çıxışı zamanı Ukraynanın administrasiyanın prioritetləri arasında olmadığını vurğulayıb. O, Vaşinqtonun əsas müttəfiqləri olan Tayvan və İsraili dəstəkləyəcəyini, lakin Ukrayna məsələsində "realist olmaq" lazım gəldiyini deyib.
"Trampın rəhbərliyi altında ABŞ-nin xarici siyasətinin prioriteti məhz ABŞ-nin maraqları olacaq. Amerika vətəndaşlarının vergiləri yalnız ölkənin maraqlarına uyğun xərclənməlidir".
Fatimə Məmmədova
20:14 17.03.2025
Oxunuş sayı: 890
