Kremlin strategiyası: Tramp Putinin şərtlərini qəbul edir
Rusiya Prezidenti Vladimir Putin Ukraynada atəşkəsin mümkünlüyünü dəstəklədiyini bildirsə də, bunun üçün bir sıra şərtlər irəli sürüb.
Crossmedia.az xarici KİV-ə istinadən xəbər verir ki, analitiklərə görə, bu tələblər Kremlin əsl niyyətlərini ortaya qoyur: “Martın 13-də Moskvada çıxış edən Putin ABŞ Prezidenti Donald Trampa Ukraynadakı münaqişənin həlli üçün göstərdiyi marağa görə təşəkkür etdi. Siyasi müşahidəçilər hesab edirlər ki, bu, Trampı razı salmaq və onu Rusiya ilə birbaşa danışıqlara cəlb etmək məqsədi güdür. Putinin irəli sürdüyü şərtlərdən bəziləri bunlardır: Ukrayna qoşunlarının Kursk vilayətindəki döyüşlərdən tamamilə çəkilməsi, Ukraynanın atəşkəs dövründə yeni əsgərləri səfərbər etməməsi, Qərbin Kiyevə silah tədarükünü dayandırması. Putin vurğulayıb ki, atəşkəs uzunmüddətli sülhə gətirib çıxarmalı və münaqişənin səbəblərini aradan qaldırmalıdır. Siyasi ekspertlər hesab edirlər ki, Kreml bununla danışıqları öz maraqları çərçivəsində formalaşdırmağa çalışır”.
İddiaya olunur ki, məlumata görə bəzi Kremlə yaxın analitiklər düşünürlər ki, Tramp Putinin bəzi şərtlərini qəbul edə bilər: “Xüsusilə, ABŞ-nin Ukraynaya maliyyə və hərbi yardımını məhdudlaşdırmaq istəyi bu ehtimalı artırır. Lakin Vaşinqton yenidən Kiyevə silah tədarükünə başlayıb və Ukrayna ordusu səfərbərlik olmadan müdafiəsini davam etdirə bilməz. Təhlükəsizlik eksperti Dmitri Alperoviçin fikrinə görə ABŞ-nin dəstəyi olmasa belə, Ukrayna Avropanın yardımı ilə mübarizəsini davam etdirə bilər. Lakin bu, xeyli çətin olacaq. Siyasi analitiklər hesab edirlər ki, Putin atəşkəs danışıqları ilə vaxt qazanmaq niyyətindədir. Bu, həm onun ordusuna yeni hərbi əməliyyatlar üçün imkan yaradır, həm də Trampı daha geniş razılaşmaya inandırmaq şansı yaradır. Eyni zamanda, Putin Avropanın təhlükəsizlik arxitekturası ilə bağlı daha geniş müzakirələr aparmaq istəyir. Ekspertlərə görə, NATO-ya skeptik yanaşan Tramp bu məsələyə maraq göstərə bilər. Ancaq Kremlin strategiyası uğurlu olacaqmı? Bu, Qərbin və Ukraynanın atacağı növbəti addımlardan asılıdır”.
Xumar Əhmədova
18:25 17.03.2025
Oxunuş sayı: 9863
