Donald Trump Avropanı "nə olursa olsun" rejiminə qaytarıb
ABŞ Prezidenti Donald Trump Avropada gözlənilməz bir təsir yaradıb. Onun vəzifəyə gəlməsindən cəmi iki ay sonra Avropada dərin narahatlıq və narazılıq dalğası baş qaldırıb. Ancaq bu qeyri-müəyyənlik və şok Avropanı sarsıtmaq əvəzinə, onu birliyə və qətiyyətə sövq edib.
Crossmedia.az xarici KİV-ə istinadən xəbər verir ki, Avropa uzun illərdir geosiyasi çağırışlara biganə yanaşsa da, transatlantik əlaqələrin zəifləməsi və təhlükəsizlik sisteminin təhdid altında olması qitəni hərəkətə gətirib. Son onillikdə Avropa bir sıra böhranlarla – avrozonadakı iqtisadi çətinliklərdən tutmuş Brexit-ə qədər – üzləşsə də, hazırkı vəziyyət fərqlidir.
Əvvəllər bu cür böhranlar Avropanı qeyri-müəyyənliyə və passivliyə sürükləyirdi. Lakin indi qitə sürətlə hərəkətə keçmək, öz müdafiəsini gücləndirmək və geosiyasi müstəqilliyini artırmaq üçün addımlar atmağa başlayıb. Bu proses hələ tamamlanmayıb və qarşıda görüləsi çox iş var. Ancaq hazırda Avropa keçmişdə olduğu kimi, təhlükəyə qarşı birləşmək məcburiyyətində olduğunu anlayır.
Xumar Əhmədova
18:35 17.03.2025
Oxunuş sayı: 709
