Braun Universitetinin professoru deportasiya edilib
ABŞ-nin Braun Universitetinin professoru Dr.Raşa Alavieh etibarlı vizasına və onun deportasiyası üçün 48 saatlıq bildiriş tələb edən məhkəmə qərarına baxmayaraq ölkədən çıxarılıb.
Crossmedia.az Anadolu Agentliyinə istinadən xəbər verir ki, Braun Universitetinin tibb fakültəsində işləyən və ölkəsinə səfər etdikdən sonra saxlanılan Livan vətəndaşı Alavieh deportasiya edilib.
Etibarlı vizası olmasına baxmayaraq Boston Loqan Beynəlxalq Hava Limanında Gömrük və Sərhəd Mühafizəsi tərəfindən 36 saat saxlanılan Alavieh Livana geri göndərilmək üçün təyyarəyə mindirilib.
Bölmə Massaçusets Federal Dairə Məhkəməsinin Alaviehin deportasiya edilməsindən 48 saat əvvəl məhkəməyə məlumat verilməsi tələbinə əməl etməyib.
Massaçusets Dairə Məhkəməsinin hakimi Leo Sorokin Gömrük və Sərhəd Mühafizəsinin məhkəmə qərarlarına “qəsdən” tabe olub-olmaması barədə məlumat istəyib.
Sorokin bildirib ki, bölmə "heç bir əsas vermədən" Alaviehi deportasiya edib və əlavə edib ki, məhkəmə qərarının pozulduğuna dair "ciddi iddialar" var.
Pərvin Hacıyeva
17:43 17.03.2025
Oxunuş sayı: 586
