ABŞ "USS Gravely" gəmisini cənub sərhədinə yerləşdirir
Donald Trampın Meksika sərhədində təhlükəsizliyi artırmaq səyləri çərçivəsində ABŞ Hərbi Dəniz Qüvvələrinə məxsus "USS Gravely" gəmisinin ABŞ Şimal Komandanlığının məsuliyyət zonasında yerləşdirilməsinə hazırlandığı bildirilib.
ABŞ Şimal Komandanlığından verilən açıqlamaya görə, "USS Gravely" gəmisinin ABŞ Şimal Komandanlığının məsuliyyət bölgəsinə yola düşdüyü qeyd edilib.
Hərbi gəminin Trampın cənub sərhədində təhlükəsizliyi artırmaq səyləri çərçivəsində bu bölgəyə yerləşdirildiyi bildirilən açıqlamada “USS Gravely” gəmisinin ölkənin ərazi bütövlüyü və təhlükəsizliyinin təmin edilməsində rol oynadığı qeyd edilib.
Crossmedia.az Anadolu Agentliyinə istinadən xəbər verir ki, bu tapşırığın bir hissəsi olaraq, "USS Gravely" gəmisinin Karib dənizi və Meksika körfəzində patrul xidməti həyata keçirəcəyi gözlənilir.
ABŞ-nin Şimal Komandanlığının məsuliyyət zonası Şimali Amerikanın böyük bir hissəsini, o cümlədən ABŞ materikini, Kanadanı, Meksika körfəzini və Karib dənizini əhatə edir.
Trampın cənub sərhədi siyasəti
Sərhəddəki qeyri-qanuni mühacir axınına sərt tədbirlərlə son qoyacağını bildirən Tramp, ABŞ-Meksika sərhədində təhlükəsizlik tədbirlərini artırmaq üçün yeni prezident fərmanı imzalayıb və sərhədə əlavə 1500 əsgər göndərməyə qərar verib.
Tramp administrasiyası bir çox federal qurumlara, o cümlədən Narkotiklərlə Mübarizə İdarəsi (DEA), Alkoqol, Tütün, Odlu Silahlar və Partlayıcılar Bürosu (ATF) və Ədliyyə Departamentinin federal hüquq-mühafizə orqanı USMS, immiqrantların deportasiyası səylərini artırmaq üçün geniş səlahiyyətlər verib.
Pərvin Hacıyeva
16:32 17.03.2025
Oxunuş sayı: 9632
