Xarici xəbərlər
Fransız jurnalist Mişel Apati: “Nasistlər soyqırımı bizdən öyrəndilər”
- Fransada həm siyasi, həm də tarixi baxımdan geniş müzakirələrə səbəb olan böyük qalmaqal yaranıb. Qalmaqalın mərkəzində fransız jurnalist Jan-Mişel Apatinin RTL radiosunun efirində səsləndirdiyi fikirlər dayanır. Onun açıqlamaları geniş müzakirələrə yol açıb və Fransa hökumətinin ciddi təzyiqləri ilə qarşılanıb.
- Crossmedia.az Minval-a istinadən xəbər verir ki, məsələ fevral ayının sonunda, Fransa-Əlcəzair münasibətlərinin müzakirə edildiyi bir verilişdə gündəmə gəlib. Apatinin, Fransanın Əlcəzairdə törətdiyi cinayətləri Oredur-sür-Qlan qətliamı ilə müqayisə etməsi böyük etiraz doğurub. Xatırladaq ki, bu kənddə 1944-cü ildə alman nasistləri tərəfindən 643 dinc sakin qətlə yetirilib.
- “Biz hər il Fransada Oredur-sür-Qlan faciəsini xatırlayırıq, bir kəndin tamamilə məhv edildiyini anırıq. Ancaq biz Əlcəzairdə yüzlərlə belə cinayət törətmişik. Bunun fərqinə varırıqmı?” – deyə jurnalist bildirib.
- Efir iştirakçılarının sərt reaksiyasına cavab olaraq Apati fikrini daha da açıq şəkildə ifadə edib: “Biz nasistlər kimi davranmamışıq... Əksinə, nasistlər bizim kimi davranıblar. Biz bunu Əlcəzairdə etdik.”
- Pərvin Hacıyeva
16:01 17.03.2025
Oxunuş sayı: 777
