Tramp məhkəmə qərarına qarşı: ABŞ yüzlərlə miqrantı El Salvadordakı həbsxanaya göndərdi
ABŞ Prezidenti Donald Tramp administrasiyası, məhkəmənin qərarına baxmayaraq, miqrantları deportasiya etməyə davam edir. Qruplaşma üzvü olduqları iddia edilən 200-dən çox şəxs, El Salvadorun məşhur həbsxanasına göndərilib. Həbsxanadan yayılan ilk görüntülər, miqrantların ağır şəraitdə saxlanıldığını ortaya qoyub.
Tramp administrasiyası məhkəmə qərarını tanımadı. Crossmedia.az CNN kanalına istinadən xəbər verir ki,əksəriyyəti Venesuelalı olan yüzlərlə qrup üzvü bazar günü ABŞ-dan El Salvadora deportasiya edilib.
Federal hakim James Boasberg, administrasiyanın deportasiya üçün istifadə etdiyi “Xarici Düşmənlər Qanunu”nun tətbiqini 14 gün müddətinə müvəqqəti dayandırıb.
Bəzi deportasiya reyslərinin ABŞ-a geri dönməsi əmri verilib.
Lakin Donald Tramp, “Bunlar pis adamlar idi” ifadələrini işlədərək qanundan istifadəni müdafiə edib.
Ağ Ev sözcüsü Karolin Levitt, administrasiyanın hakimin qərarını pozmadığını bildirib: “Hakimin qərarı, deportasiya baş verdikdən sonra elan edilib. Bir hakim, artıq ABŞ-dan çıxarılmış xarici terrorçularla dolu bir təyyarənin hərəkətini məhdudlaşdıra bilməz”.
Deportasiya olunan qrup üzvləri El Salvadorda həbs olundu. Tramp administrasiyasının əmri ilə “Tren de Aragua” qruplaşmasın təxminən 300 üzvü həbs edilib. ABŞ Dövlət Katibi Marko Rubio, “yüzlərlə təhlükəli cinayətkarın ölkədən qovulduğunu” açıqlayıb.
El Salvador Prezidenti Nayib Bukele, deportasiya olunanları həbs etməyə hazır olduğunu bildirib.
Mədinə Cəlilova
12:00 17.03.2025
Oxunuş sayı: 559
