Şimali Koreyadan nüvə silahı mesajı: “Gücləndirməyə davam edəcəyik”
Şimali Kore rəhbərliyi G7 ölkələrinin nüvə proqramını dayandırmaq çağırışına sərt reaksiya verib. Rəsmi Pxenyan açıqlamasında xarici nüvə təhdidlərinə cavab olaraq nüvə silahı imkanlarını gücləndirməyə davam edəcəyini bəyan edib.
Crossmedia.az xarici KİV-ə istinadən xəbər verir ki, G7 ölkələrinin Kanadada keçirilən xarici işlər nazirləri toplantısından sonra yayımlanan ortaq bəyanata etiraz edən Şimali Kore Xarici İşlər Nazirliyi, G7 ölkələrini nüvə böhranını qızışdırmaqda günahlandırıb.
Şimali Koreyadan G7-yə ittiham: “Nüvə cinayət təşkilatına çevriliblər”
Pxenyanın açıqlamasında G7-nin nüvə hegemonluğu ambisiyaları güddüyü iddia edilərək bildirilib:
“G7 üzvləri dünya sülhü və təhlükəsizliyinin qarşısındakı ən böyük maneədir. Onlar suveren bir dövlətin müdafiə hüququnu sorğulamaq əvəzinə, öz qanunsuz və təcavüzkar nüvə siyasətlərindən əl çəkməlidir.”
G7 ölkələrinin beynəlxalq nüvə böhranının əsas səbəbi olduğu vurğulanan bəyanatda, ilk növbədə G7 ölkələrinin nüvə silahlarından tam və geri dönməz şəkildə imtina etməli olduğu bildirilib.
“Nüvə gücümüzü artırmağa davam edəcəyik”
Şimali Kore nüvə silah proqramından imtina etməyəcəyini və nüvə imkanlarını genişləndirməyə davam edəcəyini bəyan edib.
Mədinə Cəlilova
11:25 17.03.2025
Oxunuş sayı: 10499
