ABŞ İsrailin hərbi texnologiyalarına sərmayə qoyur
ABŞ-nin müdafiə startaplarına investisiya yatıran vençur şirkətləri İsraildə hərbi texnologiyalar sahəsində fəaliyyət göstərən yeni şirkətlərə sərmayə qoymağa başlayıb.
Crossmedia.az xəbər verir ki, bu barədə The Wall Street Journal (WSJ) məlumat yayıb.
Məlumata görə, bu tendensiya İsrailin qlobal müdafiə bazarında, xüsusilə ABŞ və Avropa ölkələrində daha fəal rol oynayacağına dair gözləntilərlə bağlıdır.
Belə ki, İsrailin Kela adlı startapı yaxın zamanda iki aparıcı Amerika müdafiə investisiya şirkətindən və ABŞ Mərkəzi Kəşfiyyat İdarəsinin (CIA) investisiya bölməsindən 39 milyon dollar maliyyə yardımı alıb.
Qeyd edək ki, hazırda bu sahədə Elbit Systems, Israel Aerospace Industries və Rafael Advanced Defense Systems kimi nəhəng şirkətlər üstünlük təşkil edir.
Fatimə Məmmədova
11:05 17.03.2025
Oxunuş sayı: 10497
